講起日本野 🇯🇵 你最鍾意食啲乜？
刺身？壽司🍣？拉麵🍜？炸物？
全部都想食呀😍所以我去左 #日本野 食日本野
.
我同閨蜜2個人食左好多野呀😋包括有：
1️⃣石燒吉列霜降牛小排
喺香港日本餐廳食吉列牛我就真係第一次，之前食過和牛、金菇肥牛、炒牛柳粒等，呢間竟然有埋吉列牛😍梗係要試下啦！佢用到嘅牛小排係屬於美國🇺🇸Prime等級嘅牛，屬於極佳級，油脂比例均勻，肉眼都睇到豐富嘅大理石油花🤤見到都流口水，肉質鮮嫩得黎仲好Juicy，而且外層炸過脆卜卜，可以增添口感😍而且最正係兩個人share可以按各自喜好燒成唔同熟度，我就鍾意3-4成熟，閨蜜就5成～而且可以自己動手燒💪🏻特別好食
.
2️⃣三文魚蟹籽丼
呢個係午餐餐牌上點嘅，個人覺得的確抵食，$78大大碗之餘，三文魚同蟹籽都多到泛濫🤤蓋過曬啲飯，而且三文魚好新鮮，有足夠油香味💓而蟹籽亦卜卜脆，食到最後果啖飯都仲有✨
.
3️⃣特選壽司🍣拼盤定食
呢個都係午餐餐牌另一抵食之選，$78有齊三文魚壽司、油甘魚壽司、北寄貝壽司、八爪魚🐙壽司、玉子壽司、加州卷，味噌湯、沙律、溫泉蛋仲有個細嘅豬骨湯烏冬😍絕對係選擇困難症嘅人嘅好選擇👏🏻一個餐有齊咁多野食，而且壽司質素唔會因為係set而馬虎，望落都係靚靚仔仔，而且食落都係新鮮嘅
.
4️⃣刺身
去日本🇯🇵餐廳唔食下刺身點得🙈所以都叫左刺身黎食下，本身以為叫幾片刺身都唔會話特別有咩擺碟靚，點知一送到黎咁華麗✨北寄貝嘅擺法好特別😳平時其實好少叫，放題間唔中會叫但都係平放多，咁樣捲又幾靚，食落都有口感啲同厚身啲💓三文魚個油脂分布好靚，新鮮不在話下，厚度亦件件都好平均
.
🇯🇵日本野
📍旺角西洋菜南街2A號銀城廣場9樓
.
.
.
#hkfood #hkfoodie #FoodGasm #Delish #discoverhk #discoverhongkong #hkfoodstagram #hkblogger #discoverhongkong #instablogger #hkinstagram #hklifestyle #香港美食 #吃貨人生
@ Mong Kok
Search